درخواست اور مقدمہ نمبر 557/26 میں تضادات میڈیکل کروانے کے لیے درخواست دے دی گئی

وہاڑی(تحصیل رپورٹر) موضع کنبر کے رہائشیوں ملزم اشتیاق احمد کےورثاءمحمداقبال۔محمدجبار۔محمدمشتاق سدھو جٹ نے الزام عائد کیا ہے کہ تھانہ مترو میں دی گئی ابتدائی درخواست اور مقدمہ نمبر 557/26 میں مبینہ تضادات موجود ہیں ابتدائی درخواست جو میڈیکل کروانے کے لیئے دی گئ اور جبکہ بعد ازاں درج ہونے والی ایف آئی آر میں ایک تیسرے شخص اشتیاق احمد کا نام بھی ایک سوچی سمجھی جھوٹی سازش کی بنا پر شامل کیا گیا ہےانہوں نے معاملے کو مبینہ سازش قرار دیتے ہوئے اعلیٰ حکام سے غیر جانبدارانہ انکوائری کا مطالبہ کیا ہےان کے مطابق مدعی غلام بشیر نے 2 اکتوبر 2026 کو تھانہ میں تحریری درخواست دی تاہم ان کے بقول ابتدائی درخواست میں دو گواہوں کے نام درج تھے، جبکہ 9 اکتوبر 2026 کو درج ہونے والی پکی ایف آئی آر نمبر 557/26 میں گواہوں کے نام تبدیل کرکے نئے گواہ شامل کیے گئے ہیں۔ہماری معلومات کے مطابق پہلے والے گواہان علاقے کے ایک معزز کے پاس پنچایت میں جھوٹی گواہی دینے سے انکاری ھو گئے تاہم نئے جھوٹے گواہ لائےانہوں نے مزید دعویٰ کیا کہ ابتدائی درخواست میں محمد آفتاب اور محمد عدنان کے نام درج تھے، لیکن بعد ازاں ایف آئی آر میں ایک تیسرے شخص اشتیاق احمد کو بھی بلاجواز اور جھوٹی سازش کے تحت شامل کروایا گیا اور نامزد کر دیا گیا۔ ان کا کہنا تھا کہ اس تبدیلی کے حوالے سے شفاف تحقیقات ضروری ہیں تاکہ حقائق سامنے آ سکیں اور کسی بے گناہ کو مشکلات کا سامنا نہ کرنا پڑےانہوں نے یہ بھی نشاندہی کی کہ ان کے مطابق ابتدائی درخواست میں بچی کی عمر 13 سال جبکہ ایف آئی آر میں 14 سال درج کی گئی ہے، جس پر انہوں نے سوالات اٹھائے ہیں متعلقہ حکام سے مطالبہ کیا گیا ہے کہ مقدمے کے تمام ریکارڈ، ابتدائی درخواست اور ایف آئی آر کا تقابلی جائزہ لے کر کسی غیر جانبدار افسر سے انکوائری کروائی جائے اور اگر کسی شخص کو بلاجواز نامزد کیا گیا ہو تو قانون کے مطابق کارروائی کی جائے#